වරද!

දුක බෙදා ගෙන එක් වෙලා
සිටිය මුත් බොහො ලං වෙලා
ගිහින් ඇත දුර කිසිත් නොදැනිම
කොහේ හෝ වරදක් වෙලා

අතීතයෙ රස සිහිවෙලා
කඳුළකින් නෙත තෙත් වෙලා
කියනු බැහැ ඒ වරද කාගෙද
නමුත් අද නුඹ තනිවෙලා

සිහිනයෙන් අද ඇහැරිලා
දෙනෙත් කඳුලින් තෙත් වෙලා
මෙයයි ලොව පොදු ධර්මතාවය
වලක්වනු බැහැ වැලපිලා

කුරුටු ගීය

මමත් යනව සීගිරියට

කුරුටු කවක් ලියල එන්න

කවුද එන්නෙ මාත් එක්ක

තමුන්ගේ නම කොටල එන්න

අවුලක් නැහැ මොනව උනත්

කට්ටිය ඇති බේර ගන්න

නොතේරුමට කරපු වැඩක්

ඇයි මෙච්චර කලබලයක්

එන පාරෙන් එක්ක එනව

ඉසුරුමුණියෙ පෙම්වතියත්

එපා ඉරිසියා කරන්න

ආදරේට කරපු වැඩක්...